• A comezos deste mes quedaron rematadas as obras que o Goberno local emprendeu en varios núcleos do municipio de Sober. En concreto, os traballos consistiron na mellora e urbanización da rúa da Estación en Canabal e da Praza de Doade.
O PLAN ARI ABRANGUE TODO O MUNICIPIO DE SOBER
Según precisaron dende o Concello, as obras financiáronse con cargo á primeira fase do programa ARI (Área de Rehabilitación Integral), que no caso de Sober abrangue a totalidade do término municipal. Os traballos en Canabal e Doade contaron cun investimento de preto de 50.000 euros, financiados no 60% polo Concello e o resto polo Instituto Galego da Vivenda e Solo (IGVS) e o Ministerio de Fomento.
MÁIS OBRAS EN OUTROS NÚCLEOS DO MUNICIPIO
O alcalde de Sober, Luis Fernández Guitián, anunciou máis obras en varias parroquias, con cargo a este mesmo programa. Os traballos previstos desenvólvense na Praza do Campo de Pinol, en Naz, en Mer, en Rosende e na Pena de Proendos. Estas novas actuacións terán un custe de 70.000 euros, cofinanciados tamén polo Concello, Xunta e Fomento.
FERNÁNDEZ GUITIÁN: «MELLORAR A NOSA LOCALIDADE PARA FACELA MÁIS HABITABLE»
En relación a estas obras, Fernández Guitián agradeceu a colaboración e o entendemento dos veciños polas molestias derivadas destes traballos. «Con estes traballos, melloramos a nosa localidade e a facemos máis habitable», puntualizou o alcalde.•
Cargando ...
