Georgina Rodríguez Martínez e a emoción do rostro en “Escala de colores”

A xove artista monfortina expón os seus debuxos na Casa da Xuventude de Chantada ata o 7 de outubro

A monfortina Georgina Rodríguez Martínez xunto a algunhas das súas creacións expostas na Casa da Xuventude de Chantada ata o 7 de outubro. (Foto: MONTERO).
A monfortina Georgina Rodríguez Martínez xunto a algunhas das súas creacións expostas na Casa da Xuventude de Chantada ata o 7 de outubro. (Foto: MONTERO).

• Ata o 7 de outubro, a Casa da Xuventude de Chantada acolle a exposición titulada «Escala de colores», unha colección firmada pola xove artista monfortina Georgina Rodríguez Martínez. A mostra está composta por un total de 20 debuxos a man alzada, realizados con lapis, bolígrafo e lapis de cores.

INSPIRACIÓN MANGA

A inspiración de Georgina Rodríguez Martínez para estas creacións remite a personaxes do mundo Disney e do manga, creando unha atmósferta de sensibilidade e suxerencia que ten como protagonista ao rostro. Un elemento que, a pesares da saturación que pode conlevar a época do selfi, segue despertando emocións. «O selfi permite aplicacións para transformar estes autorretratos en debuxos», suliña Georgina, que leva debuxando dende ben noviña, «cando xa de nena facía debuxos a man alzada de forma natural». Autodidacta e cun entorno familiar nada alleo á creatividade -Georgina é filla do fotógrafo monfortino Montero-, a xove artista retoma en «Escala de colores» a súa traxectoria expositiva, iniciada na súa cidade natal hai cinco anos.

«O ROSTRO SEMPRE PROVOCA EMOCIÓNS»

A mostra que agora se pode ver en Chantada sorprende pola súa delicadeza compositiva e o suxerente do trazo. «Aínda que as técnicas cambien, as expresións do rostro sempre están con nós, provocando emocións que superan o paso do tempo e das épocas», explica Georgina.

A exposición «Escala de colores» pode visitarse na Casa da Xuventude de Chantada de luns a venres, en horario de 15,00 a 21,00 horas.•

Deixa unha resposta

Your email address will not be published.

Nova Anterior

Un taller de fotografía e unha xornada de micoloxía en Quiroga dentro do programa “Caída da Folla»

Seguinte Nova

Un 15% máis de aloxamentos de xullo a agosto na Ribeira Sacra

Últimas noticias sobre CULTURA

   
A %d blogueros les gusta esto: