5.000 familias galegas optarán a axudas para reformar cociña e baño a partir de outubro

A Xunta destinará 3 millóns de euros ao programa Reforma 15, para incentivar a renovación de equipamentos de cociña e baño O obxectivo é axudas ás familias a acondicionar as súas vivendas e avanzar na eficiencia enerxética

• A Xunta de Galicia vai poñer en marcha dende outubro o programa Reforma 15, que concederá axudas a preto de 5.000 familias galegas para renovar os equipamentos da cociña e o baño.

TRIPLE OBXECTIVO

Este programa, dotado con 3 millóns de euros, busca axudar ás familias galegas a reformar as súas vivendas e volvelas tamén máis sostibles enerxeticamente, ao impulsar equipamentos máis eficientes. Asimesmo, o programa Reforma 15 vai contribuír a estimular a actividade económica nos sectores da construción, das reformas e da rehabilitación. De feito, este programa foi deseñado en colaboración co sector, representado pola Asociación de Empresarios de Materiais da Construcción de Galicia (Asemaco).

Según explicou o presidente da Xunta, Alberto Núñez Feijóo, logo do Consello no que se desbloqueou esta liñas de axuda, o programa Reforma 15 vai supoñer un investimento total de preto de 30 millóns de euros, dos que 14 serán directos, a través das adquisicións de materiais, e os outros 16 millóns indirectos, mediante a contratación de instaladores ou obras complementarias.

ENTRE 200 E 1.000 EUROS DE AXUDA POR PERSOA E DOMICILIO

Según precisou o mandatario autonómico na presentación do programa, as achegas do Reforma 15 supoñen un dobre desconto para os fogares. Por unha banda, o IGAPE financia ata o 20% da compra realizada polos particulares, aportando entre 200 e 1.000 euros por persoa e domicilio. Por outra banda, a entidade colaboradora e que se vai a encargar da reforma realiza outro desconto, equivalente ao que fai o IGAPE, polo que a rebaixa total para o particular ronda o 40%.

COMO SE XESTIONAN ESTAS AXUDAS

Feijóo tamén explicou como se tramitarán estas axudas. Os propios establecementos comerciais adheridos ao programa serán os que xestionarán telematicamente as solicitudes e as facturas que acrediten as compras. En poucos días, a Xunta fará o desembolso do 20% de dita compra.•

Deixa unha resposta

Your email address will not be published.

Nova Anterior

O PP monfortino propón fomentar o uso da bici como medio de transporte

Seguinte Nova

AFAMON CELEBROU EN MONFORTE O DÍA MUNDIAL DO ALZHEIMER

Últimas noticias sobre ECONOMÍA

     
A %d blogueros les gusta esto: