• A comezos deste mes, a Xunta notificou ao Concello de Sarria a aprobación definitiva da modificación puntual das Normas Subsidiarias de Planeamento Municipais para a regularización e ampliación do asentamento industrial de Betote.
ÁREA XURDIDA NOS 90 SOBRE SOLO RÚSTICO
A área en cuestión ocupa un total de 7,42 hectáreas situadas no lugar de Balmao, entre as parroquias de Betote e Vilar, a dous quilómetros e medio de Sarria. A zona conta con nove naves principais e diversos edificios menores, para actividades do sector terciario e industrial. Este asentamento xurdiu nos anos 90 en solo rústico, con autorizacións autonómicas para parte destas naves.
O visto bo da Xunta emitiuse unha vez que os técnicos autonómicos verificaron a nova documentación enviada polo concello a finais de maio, para subsanar as deficiencias detectadas polo departamento autonómico, referidas á avaliación ambiental, acreditación das edificacións rematadas antes de 2003, e o cómputo de prazas de aparcamento.•
Cargando ...
