• O grupo municipal do Partido Popular de Monforte presentará no vindeiro Pleno unha moción para instar ao Goberno municipal a que elabore unha ordenanza reguladora do uso da bicicleta na cidade, e favoreza a súa potenciación como medio de transporte en condicións de seguridade para ciclistas, peóns e vehículos. A voceira do PP na Corporación monfortina, Julia Rodríguez, explicou que a orografía e climatoloxía da cidade do Cabe favorecen o uso da bicicleta durante boa parte do ano, como así o entenden moitos veciños que empregan este medio para desplazarse pola cidade.»É obriga da Corporación facerse eco desta realidade e das bondades que este medio de transporte representa nunha cidade como Monforte», precisou Julia Rodríguez. Ademais, Rodríguez lembrou as queixas dos veciños sobre o uso da bicicleta nas beirarrúas ou a gran velocidade en zonas peatonais.
Para regular o uso deste medio en condicións de seguridade para todos, e determinar tamén os trazados correspondentes, os populares van reclamar a creación dun foro de mobilidade. Este foro estaría formado polos portavoces dos grupos municipais, asociacións e colectivos veciñais, cidadáns e tamén ciclistas.•
Cargando ...
