• Dende comezos de outubro e ata o día 31 está aberto o prazo para presentar candidaturas ao certame de proxectos empresariais que convoca por segundo ano consecutivo a asociación Semente de Monforte. Según explicaron os responsables desta iniciativa, calquer persoa física pode presentar unha idea empresarial, e entre os proxectos recibidos, seleccionaranse dez finalistas, dos que sairá o proxecto gañador dos 20.000 euros do premio. O autor do proxecto gañador poderá tamén acceder a importantes grupos de inversión para presentar a súa idea. As candidaturas ao certame da asociación Semente de Monforte deberán presentarse por vía telemática a través da web http://www.sementedemonforte.org.
Promotores da asociación e entidades colaboradoras iniciaron unha rolda de presentacións desta iniciativa en universidades e centros de ensino, que comezou o día 1 na Facultade de Empresariais de Vigo.•
Cargando ...
