• O prazo de inscrición no programa UNED Senior das aulas de Sarria e Monforte rematará o 21 de outubro. Este programa vai destinado a persoas maiores de 55 anos, interesadas en enriquecer os seus coñecementos, independentemente da súa formación previa. No primeiro semestre desenvolverase dende o 20 outubro de 2015 ata o 19 de febreiro de 2016.
CLASES EN SARRIA
Na aula de Sarria, situada na Casa da Cultura, impartiranse a asignatura de Informática (os martes, de 17 a 19 horas), e de Adestramento da memoria (os mércores de 17 a 19 horas.
CLASES EN MONFORTE
Pola súa banda, a aula de Monforte, situada na Casa da Cultura Poeta Lois Pereiro, acollerá a materia «Tertulias literarias», a cargo de Sonia González López, os xoves de 17 a 19 horas. O prezo é de 45 euros por asignatura. Os interesados poderán formalizar a matrícula na Oficina da Xuventude do Concello de Sarria, ou na Asociación de Viudas de Sarria Concepción Ulloa, e en Monforte na sede da UNED, situada na segunda planta da Casa da Cultura Poeta Lois Pereiro, na Praza de España.•