•Na iniciativa do Consorcio de Turismo Ribeira Sacra participaron máis de 100 persoas, e recibíronse máis de 200 chamadas interesándose por este programa
• A vendima foi a protagonista da proposta de ocio activo que desenvolveron dende o Consorcio de Turismo Ribeira Sacra durante as fins de semana de setembro. Un total de 102 persoas, entre as que se atopaban 17 nenos e nenas, participaron nas rutas do Viñobús Vendima 2015, unha iniciativa que integrou os procesos de traballo da colleita e procesado da uva co disfrute da natureza e do seu aproveitamento.
SUPERADAS AS EXPECTATIVAS DE OCUPACIÓN
Esta segunda edición do Viñobús Vendima 2015 foi todo un éxito de participación, cun 100% das prazas ocupadas, e cunha repercusión superior ás expectativas, xa que foron 55 as persoas que quedaron en lista de agarda ante posibles cancelacións de última hora. Ademais, a organización recibiu máis de 200 chamadas de persoas interesadas por coñecer as características destas rutas interactivas en torno á vendima da Ribeira Sacra.
PERFIL DO USUARIO DAS RUTAS DO VIÑOBÚS VENDIMA
Según os datos recollidos polo Consorcio de Turismo Ribeira Sacra, o perfil do usuario maioritario do Viñobús Vendima 2015 correponde a unha muller de 40 anos, e procedente da provincia de A Coruña. Dende a organización apuntaron tamén a valoración «excelente e moi satisfactoria» que fixeron os usuarios das rutas do Viñobús Vendima 2015. En canto ás adegas participantes, foron media ducia os produtores que se adheriron a este programa, aínda que varias adegas non participantes amosaron o seu interés por sumarse a esta iniciativa en vindeiras edicións.•
Cargando ...
