• A comezos de outubro, a Deputación iniciou os traballos de limpeza e mellora de varias pistas en parroquias do municipio de Láncara. En concreto, as actuacións desenvólvense en Bande, dende a Foxa a cruce de pista con Golás; na parroquia de Cedrón, na entrada a Saa; en San Pedro, no acceso á casa Champán; en San Xoán de Muro a Xunqueira e a Souto; e no camiño de Ronfe a Sanamede.
En principio, os traballos consisten na limpeza de cunetas, e posteriormente continuarán con melloras no pavimento da vía.
As actuacións responden á iniciativa presentada polo grupo municipal do PP no último Pleno, e na que se recollían as peticións dos veciños para que o organismo provincial arranxara diversos camiños. A proposta foi aprobada por unanimidade. •
Cargando ...
