• As instalacións do OCA Augas Santas Golf & Resort acolleron a final do V Circuíto de Golf Senior Turismo de Galicia, que se disputou o 6 e 7 de outubro. Na modalidade scratch, proclamouse gañador Juan Carlos Tinture, do club Castiello, e en damas venceu María Elena Ayala, do clube Las Caldas.
Esta competición, promovida por Turismo de Galicia, desenvolveuse dende o mes de maio en cinco localidades do noroeste de España, cunha participación total de máis de 400 golfistas. A competición estivo destinada a homes de máis de 55 anos e mulleres de máis de 50.•