•Dende o 2 de outubro, a Consellería de Medio Rural permite tramitar permisos de queimas agrícolas e forestais de acordo coa normativa de aplicación, xa que diminuíron os riscos de incendios forestais polas condicións meteorolóxicas.
Dende a Consellería explicaron que a demora en reabrir o prazo para esta tramitación debeuse ao alto risco de lumes forestais que se deu durante todo o mes de setembro.
AVISOS E PERMISOS A TRAVÉS DO TELÉFONO 012, CON DOUS DÍAS DE ANTELACIÓN
Os responsables autonómicos lembraron que a solicitude de permisos para queimas agrícolas e forestais poden realizarse a través do teléfono 012 do centro de atención aos cidadáns da Xunta de Galicia.
ANULADOS OS AVISOS E PERMISOS SE HAI VENTO OU ALTAS TEMPERATURAS
O aviso de queima deberá realizarse con dous días de antelación á queima. No caso de queima de restos forestais amoreados, deberá solicitarse permiso, debido ao risco de complicacións.
En todo caso, dende a Consellería lembran que os avisos e permisos deixan de ter validez nos días que hai vento ou altas temperaturas.•
Restos agrícolas en la finca de casa