•A Xunta vén de conceder un total de 6.105,3 euros aos catro Centros de Información á Muller (CIM) do sur de Lugo, dentro das axudas concedidas a 60 concellos galegos e tres mancomunidades para mellorar o equipamento destes centros. O importe total da partida que a Xunta destinou para este concepto ascende a 245.000 euros. Os concellos da provincia de Lugo que se beneficiarán destas achegas son Palas de Rei, Monforte de Lemos, Mondoñedo, Chantada, Sarria, Burela, Vilalba, Ribadeo, Viveiro e Quiroga. En canto aos importes, o CIM de Sarria recibirá unha achega de 5.089,30 euros, o centro de Chantada 1.944,47 euros, mentres que o CIM de Quiroga contará cunha subvención de 1.016 euros, e o de Monforte 695 euros. Por provincias, Ourense contará con sete CIM beneficiarios de axudas, Pontevedra con 21, e A Coruña con 23.
Con esta achega, dende a Xunta pretenden consolidar e reforzar o labor dos CIM para contribuír a que oferten servizos de calidade nun contorno adecuado, a través da mellora do equipamento informático, de oficina e mobiliario, que permita, ademais do traballo cotiá, o traballo en rede e a utilización de ferramentas TIC. •
