A ribeira e os seus viñedos definirán o territorio da Ribeira Sacra para ser Patrimonio da Humanidade

Corenta parroquias do sur lucense integran a proposta inicial desta delimitación

•Os requisitos para incluír estas parroquias na delimitación deste territorio é a vinculación cos Canóns do Sil e Miño, e a presenza de viñedos nas ribeiras. Arquivo EC.
•Os requisitos para incluír estas parroquias na delimitación deste territorio é a vinculación cos Canóns do Sil e Miño, e a presenza de viñedos nas ribeiras. Arquivo EC.

• No último Pleno do Consorcio de Turismo Ribeira Sacra, celebrado a comezos deste mes, deuse a coñecer a composición inicial do mapa delimitador deste territorio para presentar a candidatura da Ribeira Sacra a Patrimonio da Humanidade. Este mapa está integrado no informe que elaborou un equipo de técnicos das Universidades galegas, coordinado e presentado polo Valedor do Pobo. A financiación deste informe estivo a cargo das Deputacións de Lugo e Ourense. Esta proposta inicial foi remitida aos 21 concellos que integran o Consorcio, e tamén á Denominación de Orixe Ribeira Sacra e á Asociación Ribeira Sacra Rural, integrados asimesmo neste organismo. Sobre esta proposta, elaborarase un documento final, resultado dos contactos do Valedor e da Dirección Xeral de Patrimonio cos concellos, e sobre o que se iniciará oportunamente un periodo de alegacións.

61 PARROQUIAS VINCULADAS POLA PRESENCIA DO RÍO E A VITICULTURA DE RIBEIRA

Según explicaron os responsables do Consorcio de Turismo, a proposta inicial sobre a que se presentará a candidatura da Ribeira Sacra a Patrimonio da Humanidade abrangue 13 concellos, cun total de 61 parroquias, das que 40 pertencen á provincia de Lugo e as restantes 21 á de Ourense.

Os criterios que o informe suliña para facer esta delimitación teñen que ver coa vinculación cos Canóns do Sil ou do Miño dunha parte do territorio da parroquia en cuestión, e tamén coa presencia de viñedos nestas ribeiras, entendendo o viño como un elemento de identidade da Ribeira Sacra.

Por concellos, Sober é o municipio con máis parroquias nesta delimitación, cun total de nove, seguido de O Saviñao e Chantada, con oito parroquias cada un. Pantón aporta seis parroquias, Carballedo catro e Monforte tres, mentres que Ribas de Sil e A Pobra do Brollón inclúen unha cada un.

No lado de Ourense, Castro Caldelas aporta seis parroquias a esta delimitación, mentres que Parada de Sil e A Teixeira teñen cinco cada un, e completan a serie catro núcleos de Nogueira de Ramuín e un de A Peroxa.•

CHANTADA ACOLLERÁ A ENTREGA DA I EDICIÓN DOS PREMIOS RIBEIRA SACRA

• A sesión plenaria do día 1 de outubro tamén aprobou as bases dos premios honoríficos Ribeira Sacra, que este ano se concederán por vez primeira para celebrar o décimo aniversario da constitución do Consorcio de Turismo. Haberá dous galardoados nesta primeira edición. O Pleno do Consorcio recoñece con este galardón á Xunta de Galicia polo «apoio unánime e permanente ao Consorcio dende a súa creación, independentemente do partido ou partidos políticos que estiveron á fronte do Goberno autonómico». Tamén será recoñecido con este premio honorífico Paradores de España «pola decidida aposta en Ribeira Sacra coa apertura e xestión de dous establecementos, o de Monforte e o de Santo Estevo, que son emblemáticos no territorio, pero tamén na rede nacional». Está pendente de confirmación cando terá lugar a gala de entrega destes premios.

Por outra banda, o Consorcio de Turismo continuará funcionando baixo esta forma xurídica, logo do informe emitido pola Dirección Xeral de Administración Local.

 

Deixa unha resposta

Your email address will not be published.

Nova Anterior

Sarria exporta a súa experiencia en antigüidades polas cidades e vilas do Eixo Atlántico

Seguinte Nova

San Clodio en festas o 30 e 31 de outubro

Últimas noticias sobre ASOCIACIONISMO

A %d blogueros les gusta esto: