•Dende o 5 de outubro, están en marcha as actividades de outono na Casa da Xuventude de Chantada. Dende o Concello veñen de organizar unha ampla oferta de ocio e cultura de balde para rapaces e rapazas de entre 10 e 35 anos.
O programa inclúe actividades de carácter creativo, como pintura ao óleo, debuxo técnico, e obradoiros de monicreques, reciclaxe e cesterámica. A programación tamén ofrece actividades lúdicas como teatro, batuka ou step, e outras vinculadas coas novas tecnoloxías, como o obradoiro de enredad@s na rede, ou o curso de fotografía dixital.
Este curso de foto dixital serve de arranque para a programación do Outono Fotográfico da Casa da Xuventude de Chantada, que incluirá tamén dúas exposicións de fotógrafos locais e un concurso fotográfico. O Outono Fotográfico desenvolverase dende outubro ata decembro, cando terá lugar a entrega de premios do concurso de foto.•
Cargando ...
