• Un total de 98 xogadores déronse cita en Pantón o pasado 17 de outubro para disputar o II Gran Torneo Vodafone. As instalacións de OCA Augas Santas Golf acolleron esta proba, que se desenvolveu baixo a modalidade individual stableford handicap con dúas categorías de xogo. A organización premiou aos tres primeiros clasificados en cada categoría, ademais de repartir diversos trofeos.
VICTORIA LOCAL NA PRIMEIRA CATEGORÍA
Dentro da primeira categoría ata handicap 17,4, o gañador foi o xogador local Manuel Tesouro, con 39 puntos stableford. O segundo posto correspondeu a José E. Blanco, que completou a proba con 38 puntos, e o terceiro lugar foi para Arcadio Fernández, con 35 puntos finais.
GAÑADORES EN SEGUNDA CATEGORÍA
Os premios da segunda categoría do II Gran Trofeo Vodafone corresponderon a Maxi Castro, que completou a proba con 39 puntos, seguido de Diego Pagés, que acumulou 36 puntos, e por último situouse Isabel Piñeiro, con 34 puntos.
Pola súa banda, o vencedor na categoría scratch foi o xogador de A Rúa Jorge Sixto, que rematou cun magnífico resultado de 75 golpes brutos.
TRES TROFEOS PARA AS MELLORES SAÍDAS
O II Gran Trofeo Vodafone disputado en Augas Santas concedeu trofeos noutras modalidades. Así, Rosario Vázquez acadou o premio á saída máis longa en categoría feminina no burato 7. Pola súa banda, Miguel A. Martínez gañou o trofeo á saída máis longa en categoría masculina no burato 11. Por último, o trofeo ao golpe de saída máis cercano á bandeira no burato 10 foi para Carlos Lage.
Ao remate da competición, tivo lugar a entrega dos galardóns aos premiados, da man do representante de Vodafone, Javier Blanco, e do director de Augas Santas, Santiago Villanueva. O acto contou tamén cun sorteo de agasallos entre os participantes, e rematou cun cóctel por cortesía do patrocinador.•
