• O sábado 24 de outubro desenvolveuse a primeira das andainas que a Asociación Veciñal do Saviñao organiza neste outono. O colectivo veciñal retoma un ano máis a serie de camiñatas pola ribeira do Miño, ofrecendo ao público en xeral unha xornada de lecer na natureza.
Nesta tempada, as andainas iniciáronse cun percorrido de 12 quilómetros entre Segade e Maiorga, que comezou ás nove e media da mañá na Praza Maior, e completouse despois do mediodía.
As persoas interesadas en participar nesta serie de andainas de outono pola ribeira do Miño poden contactar coa Asociación Veciñal de O Saviñao no seu enderezo electrónico asociacionvecinaldosavinao@gmail.com, ou no teléfono 982 45 20 13.•
