•A derradeira fin de semana do programa do Consorcio «A caída da folla» acadou un 80% de ocupación •As actividades centráronse en Belesar e Ferreira
• A mediados deste mes completouse a programación «A caída da folla», unha iniciativa do Consorcio de Turismo Ribeira Sacra para dinamizar o turismo na zona durante o outono. Na derradeira fin de semana do programa, a ocupación foi do 80%, aínda que dende o Consorcio consideran que só o mal tempo, que obrigou a suspender unha actividade en A Peroxa, impediu chegar ao 100%. O sábado 17, un total de 41 persoas participaron no taller de fotografía «Paisaxes de Outono II», desenvolvida en Ferreira de Pantón. O domingo 18, a xornada de fotografía polo Miño arrincou de Belesar con 38 participantes acompañados dun guía, co que percorreron 14 quilómetros de ribeira entre viñedos durante 6 horas.•
