• O alumnado do Punto de Atención á Infancia (PAI) de Sober realizaron o día 21 unha excursión ao exterior das instalacións para disfrutar do outono. Os cativos, acompañados polas súas profesoras, tiveron ocasión de achegarse ás cores e texturas desta tempada, e participar na recollida de castañas e landras, froitos significativos do outono.
EXPERIENCIA COA CULTURA E COA NATUREZA
A xornada serviu para que os máis novos de Sober viviran unha experiencia na natureza, e a continuación, xa de volta ás aulas, puideron comentar o resultado da súa excursión. Cestiñas de castañas, landras e follas secas dos castiñeiros foron incorporados ao variado material de traballo co que diariamente aprenden e disfrutan os cativos do PAI de Sober.•
Cargando ...
