• A música en Sober segue a ser noticia. Dende o día 5 deste mes está en marcha un grupo de canto para adultos, por iniciativa da Escola de Música soberina, e que xa conta cunha vintena de inscritos.
AS REUNIÓNS LÚDICAS PARA CANTAR SON OS XOVES ÁS 19,30 NO CENTRO SOCIOCULTURAL
Según explicou a directora, Laura Rodríguez, a idea é reunir a xente á que lle guste cantar, para compartir as tardes dos xoves. «Non pretendemos que a xente xa saiba cantar nin que o faga de xeito profesional, senón que compartan unha tarde cantando o que eles prefiran», destacou Rodríguez.
As reunións son os xoves ás sete e media da tarde, no Centro Sociocultural da capital soberina.
Coa posta en marcha deste grupo de canto, a Escola de Música de Sober pretende ampliar a oferta destinada aos adultos.
As persoas interesadas poden obter máis información nos teléfonos 982 460513 ou 617 506319.•