•A Asociación Galega de Cooperativas Agrarias (AGACA) organizou en Lugo a comezos deste mes unha xornada divulgativa para promover o emprendemento feminino. O obxectivo foi animar ás mulleres vinculadas a cooperativas agrarias a que participen nos seus órganos de decisión, baixo o lema «Atrévete contigo mesma».
AS MULLERES RURAIS SON «EXEMPLO DE INNOVACIÓN E MOTOR DA ECONOMÍA RURAL»
A apertura da xornada contou coa presencia da secretaria xeral de Igualdade, Susana López Abella, e da delegada da Xunta en Lugo, Raquel Arias. Na súa intervención, López Abella destacou o papel das mulleres rurais como «exemplo de innovación e motor da economía rural», polo que «é necesario promover novos avances na corresponsabilidade social e apoiar a capacidade das mulleres para ocupar postos de decisión».•
