• O Concello de Sober ten aberto ata o 4 de decembro o prazo de solicitude das becas de axuda ao transporte universitario para os estudantes do municipio.
A tramitación pode realizarse nas oficinas municipais, ou ben na Oficina de Información Xuvenil do Concello de Sober. As persoas interesadas en optar a estas axudas deberán presentar un certificado de matrícula da Universidade onde están a realizar os seus estudos, así como un certificado do número de conta bancaria, e un certificado de empadroamento.
Según informaron dende o Concello, son máis de vinte os alumnos e alumnas de Sober que están a cursar estudos universitarios, e que poden optar a este tipo de axudas.•
