• A comezos de mes, o Concello de Monforte realizou os traballos de mantemento anual das pistas da Compañía e do campo de fútbol Luis Bodegas.
Os traballos consistiron na comprobación e reparación de xuntas, aireación e limpeza do recheo de caucho e da area, e retirada das herbas aparecidas no campo de xogo e tamén nos arredores da área deportiva. Asimesmo, procedeuse á reorientación das fibras do céspede sintético mediante un cepillado especial, realizado por operarios dunha empresa dotada con maquinaria específica.
Dende o Concello explicaron que estas labores anuais de mantemento súmanse ás melloras periódicas que se realizan ao longo do ano nestas infraestruturas deportivas. O obxectivo é prolongar a duración do céspede sintético, e que as instalacións estean en condicións para a prática deportiva.•
Cargando ...
