• Dende a directiva do CB Sarria están a apostar forte pola dinamización local a través do deporte. Aproveitando a afluencia de público que acompaña ao equipo visitante, a formación sarriana decidiu empregar a entrada do Novo Chanto como expositor de material turístico e promocional de Sarria, cedido pola Oficina de Turismo.
Ademais desta acción divulgativa, dende o clube sarrián queren fomentar os hábitos de reciclaxe e limpeza das instalacións, colocando carteis persuasivos nas papeleiras para animar ao público e xogadores a usalas. Teñen previsto ampliar esta campaña coa incorporación de depósitos para pilas usadas.
A solidaridade tamén está na folla de ruta das actividades do CB Sarria. Esta tempada están instalados dous puntos de recollida de tapóns de plástico, un na cancha para facilitar o uso aos xogadores, e outro na zona de acceso ao graderío, e destinado a público e visitantes.•
Cargando ...
