•Turismo de Galicia promove esta enciclopedia dixital, que inclúe miles de fotografías e máis de 100 mapas e gráficos sobre a Ruta Xacobea
•O Camiño de Santiago xa conta coa súa enciclopedia dixital. O día 9 deste mes foi presentada oficialmente a Xacopedia, unha enciclopedia 2.0 que mostra toda a información sobre a Ruta Xacobea a tan só un clic.
COMPLETA INFORMACIÓN E DE FÁCIL ACCESO
Esta plataforma, que inclúe miles de fotografías, máis de 100 mapas e gráficos, e centos de referencias da A á Z, está configurada como unha ferramenta de fácil acceso, para permitir a interacción do usuario. En www.xacopedia.com, un buscador facilita a localización dos diferentes termos e contidos das entradas. Según se vai tecleando a referencia, o buscador vai propoñendo o termo máis aproximado, para facer a búsqueda máis doada e rápida.Ademais, cada información inclúe ligazóns para poder afondar con comodidade sobre a información que máis interese ao usuario.
A XACOPEDIA COMO REDE SOCIAL
A interactividade está presente na Xacopedia, posto que os usuarios poden complementar cada entrada e enriquecer os contidos, ademais de ser contestados por outros usuarios e ser marcados como «Me gusta».
A elaboración dos contidos da Xacopedia contou coa colaboración de diversos profesionais internacionais, expertos na Ruta Xacobea.
A DIVULGACIÓN REPERCUTE «MOI NOTABLEMENTE» NA CONSERVACIÓN DO CAMIÑO
Durante a presentación desta plataforma, a directora xeral de Turismo de Galicia, Nava Castro, suliñou que a divulgación e potenciación da información en torno ao Camiño de Santiago repercute «moi notablemente» na súa conservación e posta en valor. Castro precisou que a plataforma digital forma parte das accións do Plan Director e Estratéxico do Camiño de Santiago, dentro da liña adicada á investigación, comunicación e divulgación do Camiño e da cultura xacobea.
MÁIS ACTUACIÓNS DIVULGATIVAS DE CARA AO VINDEIRO ANO SANTO 2021
Neste sentido, e de cara á celebración do vindeiro Ano Santo en 2021, Nava Castro anunciou a posta en marcha de diversas actuacións, como a produción de contidos adaptados ao currículo de Educación Primaria e Secundaria, o impulso da cultura xacobea no eido universitario, ou a posta en marcha de campañas de sensibilización dirixidas á poboación dos municipios polos que pasa o Camiño de Santiago.•
Cargando ...
