• O Goberno municipal de Sober está a aproveitar as Merendas con Contos de novembro para celebrar o Mes das Tradicións. Estas actividades de animación á lectura desenvólvense os venres de cinco e media ás sete da tarde, na Biblioteca Municipal. A primeira sesión tivo lugar o venres 6, cunha merenda a base de castañas, e a lectura do libro «O Magosto», do colectivo Ollo de Sapo.
OBRADOIRO DE ROSCAS DE MILLÁN
A seguinte cita é o venres 13, cando Moncho Álvarez vai impartir un obradoiro de elaboración de roscas de Millán, e a continuación, os rapaces e rapazas lerán «O gato lambón», conto popular editado por Kalandraka.
MÚSICA EN VIVO E TAMÉN NO LIBRO
O venres 20, desenvolverase un obradoiro de música con Elite DJ’s, e lectura de «Nico y Ana quieren ser músicos», de Juan Capdevilla.
OBRADOIRO DE OLERÍA DE GUNDIVÓS
O Mes das Tradicións rematará o venres 27, data na que Tomás Gómez González e Otilia Arias García farán un obradoiro sobre a olería de Gundivós. Despois, os participantes lerán o libro «A olería tradicional de Gundivós. As formas».•
Cargando ...
