•DISPOÑIBLE O CUESTIONARIO ON LINE QUE EDUCACIÓN HABILITA PARA AVALIAR A CONVIVENCIA NAS AULAS. Ata o 30 de novembro, a comunidade escolar de Galicia, formada por preto de 500.000 membros, poderá cumplimentar o cuestionario on line que a Consellería habilitou para testar o estado da convivencia escolar nos centros. Ao cuestionario accédese por unha aplicación informática, e os directores dos centros son os encargados de xerar as claves de acceso para todos os membros da súa comunidade, de xeito aleatorio, para garantir o anonimato. Hai sete tipos de cuestionario, según o colectivo ao que se dirixe, e integrado por 20 preguntas sinxelas cada un deles. •UN TOTAL DE 12.386 ALUMNOS E ALUMNAS DE SECUNDARIA CURSAN EN GALICIA AS MATERIAS DE LIBRE CONFIGURACIÓN AUTONÓMICA. Estas materias son resultado da implantación da LOMCE, e ofrécense nos currículos de Educación Secundaria Obrigatoria (ESO) e Bacharelato. Segundo os datos recompilados pola Consellería de Educación, a materia que máis matriculados rexistra é de Investigación e Tratamento da Información, seguido de Oratoria e a de Programación. En ESO impártense Educación financeira, con 263 matriculados; Investigación e Tratamento da Información, con 3.141; Oratoria, con 2.727; Paisaxe e sustentabilidade, con 644; Programación, con 1.785; Promoción de Estilos de Vida Saudable, que ten 1.629 inscritos; e Xadrez, que cursan 684 alumnos e alumnas. No Bacharelato, Antropoloxía rexistrou 1.076 matriculados, Literaturas Hispánicas 96, e Robótica conta con 341 inscritos.•
