•Organizadas por Seragro na Facultade de Veterinaria, céntranse nos diversos aspectos da alimentación do gando
•Durante os días 12 e 13 de novembro, a Facultade de Veterinaria de Lugo está a acoller as XIII Xornadas Técnicas de Vacún de Leite, organizadasa por Seragro Sociedade Cooperativa Galega. Baixo o lema «Nas nosas mans», a programación das xornadas está relacionado co día a dá do traballo nas granxas de vecún leiteiro de Galicia, con especial atención aos diversos aspectos relacionados coa alimentación do gando.
Os relatorios están a cargo de profesionais do sector. Así, adicarase espazo a analizar a situación da man de obra nas granxas, e as posibilidades de mellora das relacións laborais entre empregados e empregador como clave do futuro da explotación.Tamén se tratará o proceso de obtención dunha pradeira óptima, e as particularidades do cultivo do millo en Galicia, tendo en conta as particularidades climáticas e do solo, así como as pragas máis frecuentes. En referencia aos animais, abordaranse os avances dos últimos anos en xenómica aplicados á mellora dos índices de selección das reses. Asimesmo, farase unha análise da repercusión que ten sobre a alimentación animal e a xestión das granxas a volatilidade dos prezos das materias primas para alimentación animal.
As xornadas inclúen unha mesa redonda, coa intervención de tres gandeiras, para transmitir a súa experiencia diaria na problemática dunha granxa de vacún de leite. A programación completarase con outra mesa redonda sobre o futuro do mercado lácteo, na que participarán representantes do Ministerio de Agricultura e do sector da distribución, así como expertos universitarios.•
