• O Concello de Ribas de Sil e o Grupo de Teatro Augas do Sil están a organizar a programación «Tardes de Teatro no Inverno», con sesións no Salón de Actos do Concello. A vindeira cita será o sábado 21 de novembro, a partir das 19,00 horas, cando o grupo de teatro da Asociación Pico de Castro, de Foz, porá en escea a obra «De vello gaiteiro».
A protagonista, Rosiña, filla dun labrego con posibles, recibe unha oferta de matrimonio dun rico indiano. O problema é que Rosiña está namorada doutro home. O desenlace da situación poderá verse en San Clodio o día 21 deste mes.
Esta programación conta coa colaboración da Deputación de Lugo, a través do Proxecto Buxiganga.•
Cargando ...
