Tempo de castañas, cogumelos e sendeirismo para vivir o outono por todo o sur de Lugo

Moitas están a ser as citas coa natureza e as tradicións neste outono no sur de Lugo. Concellos e centros de ensino, colectivos veciñais e entidades diversas aproveitan estas datas para poner en valor os productos da terra e do monte, como as castañas ou os cogumelos, e tamén organizar actividades na natureza, con programacións de rutas de sendeirismo e saídas ao campo para recoller setas. Unha ocasión única para disfrutar da riqueza natural e paisaxística destas comarcas.

XXVIII Feira da Castaña en Seoane do Courel

 

O día 7 deste mes, Seoane do Courel celebrou a XXVIII edición da Festa da Castaña. A conselleira de Medio Rural, Ángeles Vázquez, e a delegada da Xunta en Lugo, Raquel Arias, degustaron os produtos nunha soleada xornada festiva. GPMR.
O día 7 deste mes, Seoane do Courel celebrou a XXVIII edición da Festa da Castaña. A conselleira de Medio Rural, Ángeles Vázquez, e a delegada da Xunta en Lugo, Raquel Arias, degustaron os produtos nunha soleada xornada festiva. GPMR.

Brosmos recrea os magostos máis enxebres

Con castañas, chourizos e unha fonte manando viño de Amandi, entre outros produtos de outuno

El pase de diapositivas requiere JavaScript.

• A última hora do sábado 31 de outubro, a parroquia soberina de Santa Cruz de Brosmos reuniu en torno ás castañas e á queimada a máis de medio cento de veciños e veciñas. A cita co magosto deste ano recuperou os elementos máis enxebres que se recordaban na contorna. Castañas, chourizos, empanada e mexillóns foron degustados polos asistentes, que disfrutaron tamén do viño de Amandi que estivo manando da fonte da praza durante a celebración do magosto.

Unha cita para a confraternidade en torno ás nosas tradicións.

A CASA DA XUVENTUDE DE CHANTADA CELEBROU AS XORNADAS MICOLÓXICAS.

Exposición fotográfica que amosa na Casa da Xuventude de Chantada diversos exemplares micolóxicos recollidos na zona. (Foto cedida).
Exposición fotográfica que amosa na Casa da Xuventude de Chantada diversos exemplares micolóxicos recollidos na zona. (Foto cedida).

 

Do 9 ao 12 de novembro, a Casa da Xuventude de Chantada acolleu as Xornadas Micolóxicas, con diversas actividades ao longo de toda a semana. A programación iniciouse o luns día 9 cun curso de iniciación no mundo dos cogumelos, para aprender a identificar os xéneros e especies principais. Xa o martes, tivo lugar a proxección dun audiovisual titulado «Setas: manjar o riesgo», que incidiu no recoñecemento das diferentes variedades, para evitar posibles riscos na saúde dos consumidores.

SAÍDA AO CAMPO PARA RECOLLER EXEMPLARES

Asimesmo, as Xornadas Micolóxicas ofreceron un espazo para o traballo de campo, cunha saída ao monte o mércores ás tres e media da tarde. Durante a actividade, os participantes puideron achegarse a diferentes hábitats vexetais, para distinguir as variedades micolóxicas in situ, e poder recollelas con total seguridade.

EXPOSICIÓN DIVULGATIVA DAS PEZAS

Con todo o material recollido na saída ao campo, preparouse unha exposición divulgativa ao día seguinte, para que o público poida recoñecer as diferentes variedades atopadas na contorna de Chantada, e percibir as súas particularidades.

RUTA DA FEIRA DE PARADA CO COLADO DO VENTO

A Asociación soberina O Colado do Vento organiza o domingo 29 de novembro a Ruta da Feira de Parada, deseñada por Xesús Verao. Esta camiñata, de preto de 8 quilómetros, rememora a andaina tradicional a pé dende Sober ata a feira de Parada de Sil. Haberá viaxe en barco para cruzar o río, polbo na feira, e dúas visitas culturais, nunha xornada completa.

O MAGOSTO DESAFIOU Á CHOIVA NO IES A PINGUELA.

El pase de diapositivas requiere JavaScript.

A festa non hai que a pare, así que no IES A Pinguela celebraron o magosto como se debe, a pesares da choiva. O lume para as castañas e a música tradicional fixéronse no exterior, pero os xogos tradicionais tiveron un carácter «indoor» este ano.

Aínda así, as orixinais propostas de competicións fixeron disfrutar a todos, e convertiron os pasillos nun inusual espazo de risas e diversión para todos. (Fotos cedidas).

Xornadas Micolóxicas en Sober ata o día 14

A Agrupación Micolóxica Pingadouro, en colaboración co Concello de Sober, está a desenvolver ata o día 14 as Xornadas Micolóxicas Sober 2015, baixo a coordinación de Ramón Losada Pérez.

EN MARCHA DENDE O DÍA 12

A programación arrincou o xoves día 12, cunha saída ao campo, con saída dende a Escola de Hostelería de Rosende, para identificar as diversas especies de setas.

DÚAS SAÍDAS AO CAMPO O VENRES 13

A saída prevista para o venres 13 será dende o colexio de Sober, ás 11 horas, e se repetirá pola tarde, ás catro, pero saíndo dende a Praza do Concello.

AMPLA XORNADA O SÁBADO, CON SAÍDA AO CAMPO E MONTAXE DA EXPOSICIÓN

Dende este mesmo punto de partida arrincará a saída prevista para o sábado día 14 ás 10 horas. Xa pola tarde, a partir das catro, procederase a montar unha exposición sobre os exemplares recollidos, con identificación de cada un deles.

CONFERENCIA SOBRE MICOLOXÍA E DEGUSTACIÓN COMENTADA

Esta actividade será no Centro Sociocultural, onde a partir das seis, Ramón Losada pronunciará o relatorio «Introdución á micoloxía». A xornada completarase cunha degustación de cogumelos comentada, polo cociñeiro Fernando Bugueiro Cabo, a partir das 20,00 horas.

A Asociación Veciñal de O Saviñao completa a súa andaina por etapas deste outono

Imaxe de arquivo dunha xornada de sendeirismo organizada pola Asociación Veciñal de O Saviñao.  (Foto cedida).
Imaxe de arquivo dunha xornada de sendeirismo organizada pola Asociación Veciñal de O Saviñao. (Foto cedida).

O vindeiro sábado 14 de novembro terá lugar a terceira e última etapa da serie de andainas que está a organizar a Asociación Veciñal de O Saviñao, para cubrir a ruta de sendeirismo PR-G 162.

Según informaron desde este colectivo, o percorrido será dende Mourelos a Belesar, para continuar ata Santo Estevo de Ribas de Miño. O itinerario, de 12 quilómetros, transcurre entre bosques de caducifolias, pasos polos socalcos dos viñedos, prados e a calzada romana dos Codos de Belesar.

A saída está prevista para as 9,30 horas dende a Praza Maior de Escairón, sendo este mesmo o punto de regreso, previsto para as 14,30 horas.

Dende a Asociación informan de que é necesario inscribirse por motivos de organización do transporte. A inscrición pode facerse a través do enderezo electrónico asociacionvecinaldosavinao@gmail.com, ou nos teléfonos 982 45 20 13 e 677 72 63 25.

Magosto de cores para os cativos de Sober

Os nenos e nenas do Punto de Atención á Infancia (PAI) de Sober celebraron o magosto con disfraces e cabazas. Tamén disfrutaron de doces típicos e castañas, nunha festa chea de cor e tradición. (Foto cedida).
Os nenos e nenas do Punto de Atención á Infancia (PAI) de Sober celebraron o magosto con disfraces e cabazas. Tamén disfrutaron de doces típicos e castañas, nunha festa chea de cor e tradición.
(Foto cedida).

 

Deixa unha resposta

Your email address will not be published.

Nova Anterior

Novo aspecto da Rúa da Igrexa da parroquia soberina de Canabal

Seguinte Nova

DOUS ALUMNOS DO IES DAVIÑA REY, PREMIADOS NO II CERTAME MULLERES DE LEMOS NO DÍA DA BIBLIOTECA.

Últimas noticias sobre ASOCIACIONISMO

A %d blogueros les gusta esto: