•O Campionato Autonómico reúne ata o día 5 a 38 xogadores de toda Galicia
• Dende o 22 de novembro e ata o 5 de decembro, o Círculo Recreativo e Cultural de Chantada está a acoller a celebración do III Trofeo Ribeira Sacra de billar a tres bandas, proba correspondente ao LXXX Campionato Galego. Nesta cita deportiva, organizada polo Club Billar Círculo de Chantada, reuniranse na vila do Asma un total de 38 xogadores procedentes de toda Galicia.
CALENDARIO DO CAMPIONATO
A competición estase a disputar a xornada completa durante as fins de semana, e en xornada de tarde durante os días laborables, en partidas a 40 carambolas co límite de 50 entradas. A organización establece un total de oito premios aos primeiros clasificados.
PLANTEL DE COMPETICIÓN DO CLUB BILLAR CÍRCULO CHANTADA
O cadro de participantes do equipo anfitrión da proba autonómica, o Club Billar Círculo Chantada, está integrado por José Lozano, Juan Ramón Somoza, Gilberto Rodríguez, Luis Manuel Fernández, Francisco Gómez, Iván Ariel Núñez, Ricardo García, Jacobo Daviña, Francisco Eiriz, Roberto Varela, Manuel Fernández, Jesús Miguélez, José Antonio López, Sin Seung-ha, Rafael Moure, e José Gómez.
Logo da entrega de premios aos gañadores, o III Trofeo Ribeira Sacra rematará coa tradicional cea de clausura.•
