• A vindeira cita musical que organiza a Sociedade Filarmónica de Monforte terá lugar o sábado 12 de decembro ás 18,30 horas na igrexa dos Escolapios. Nesta ocasión, será a Coral Polifónica El Eco a encargada da posta en escea dun variado programa musical.
A centenaria agrupación vocal coruñesa centrará a primeira parte do concerto de Monforte na figura de Giuseppe Verdi, abrindo a sesión coa «Barcarolle» de «I due Foscai», seguindo co «Coro di Crociati e Pellegrini» de «I Lombardi», e continuando coa interpretación de «Si ridesti il leon di Castiglia» da ópera «Ernani».A parte adicada a Verdi completarase con fragmentos de «Macbeth», «Il Trovatore» e «Nabucco».
A segunda parte do concerto integrará pezas de diversos autores de zarzuela. Así, El Eco interpretará o coro inicial de «El barberillo de Lavapiés»; un fragmento da peza «La del soto del parral», de Soutullo e Vert; o Chotis de Madrid», pertencente a «La Chulapona» de Moreno Torroba; a «Mazurca de las sombrillas», da «Luisa Fernanda» de Moreno Torroba; o «Viva Madrid» da peza «Don Manolito» de Sorozábal; e o Coro de románticos» da zarzuela «Doña Francisquita», de Vives.•
Cargando ...
