Pantón ofrece novas actividades lúdicas para disfrutar en familia na ponte da Constitución

O Concello de Pantón vén de organizar para comezos de decembro dúas actividades lúdicas para realizar en familia. En primeiro lugar, propón a actividade «Inglés en familia», destinada a pais/nais cos seus fillos de entre 3 e 10 anos, que se desenvolverá o domingo 6 de decembro. O programa de «Inglés en familia» inclúe xogos, música e contos, entre outras actividades. Por outra banda, o martes 8 de decembro terá lugar terá lugar o obradoiro «Cociña co teu fillo», tamén dirixida a pais/nais con fillos entre 3 e 10 anos. O obradoiro inclúe a elaboración de tapas, realización de catas e desenvolvemento de xogos, entre outros. Ambas actividades celebraranse no Edificio Sociocultural de Ferreira de 17 a 19 horas. O prezo de cada actividade por familia cun fillo é de 5 euros, e de 8 euros por familia con dous ou máis fillos. As inscricións realizaranse ata o 30 de novembro no Edificio Sociocultural.•