A primeira semana de decembro, o IES Río Cabe acolleu unha xornada formativa, dirixida ao alumnado do ciclo superior de Guía, Información e Asistencia Turísticas, organizada pola Fundación CEL-Iniciativas por Lugo.
CÓMO EMPRENDER, APOIOS INSTITUCIONAIS, E UN CASO PRÁTICO
A xornada estivo centrada no fomento da mentalidade emprendedora entre o alumnado. Con este obxectivo, a consultora Paula Tenreiro desenvolveu unha sesión sobre os primeiros pasos que todo emprendedor debe ter en conta para poñer en marcha a súa empresa. A continuación, o xerente da Fundación CEL-Iniciativas por Lugo, Rodolfo Ojea, explicou aos asistentes as diversas iniciativas que esta institución ten en marcha para apoiar os proxectos dos emprendedores lucenses. Por último, a xornada completouse coa análise dun caso prático. A responsable de comunicación e marketing da empresa Miramar Cruises, Isabel Chousa, deu a coñecer aos estudantes a experiencia desta exitosa empresa lucense, adicada á venda de cruceiros on line. Esta firma comercializa viaxes turísticas por mar a través da rede, polo que as novas tecnoloxías están na base da súa existencia. Chousa lembrou a fórmula do emprendedor, baseada no traballo, a formación continua, ter unha boa idea, elixir un sector en constante cambio e permeable á innovación, e contar co apoio institucional.•
Cargando ...
