•A cooperativa chantadina acolleu a comezos deste mes unha xornada sobre empoderamento feminino no rural
•O pasado 2 de decembro, a cooperativa ICOS de Chantada acolleu a xornada «Atrévete contigo mesma», organizada pola Asociación Galega de Cooperativas Agroalimentarias (AGACA) e Obra Social La Caixa. A charla estivo dirixida fundamentalmente ás socias desta cooperativa, para reflexionar sobre o contexto das mulleres que viven no medio rural galego, asociadas a cooperativas. As participantes tamén recibiron claves para lograr unha mellor conciliación das súas vidas persoais e profesionais, permitíndolles participar máis activamente na toma de decisións que afecten á cooperativa.
MÁIS PARTICIPACIÓN E EMPODERAMENTO FEMININOS NO RURAL
Según explicaron dende AGACA, o obxectivo desta xornada non foi só poñer de manifesto o peso da figura da muller para o avance e mantemento das poboacións rurais, senón tamén darlles a oportunidade de expoñer coas súas propias palabras qué botan en falta ou valoran positivamente con respecto da cooperativa á que pertencen.
Neste sentido, a xornada incluiu unha sesión de coaching, coa que se buscaba motivar ás asociadas para que tomen conciencia das súas propias capacidades e se integren en maior proporción nos órganos de decisión das cooperativas.
Dende AGACA e Obra Social La Caixa están a impulsar as xornadas «Atrévete contigo mesma» dentro das súas actividades en prol da igualdade de xéneros. Ata o de agora, esta xornada contou coa participación de media ducia de cooperativas de A Coruña e Lugo. Según precisaron dende AGACA, está previsto que nos vindeiros meses esta iniciativa se extenda a cooperativas de Ourense e Pontevedra.•
Cargando ...
