• Se tes libros na casa que queres compartir ou doar, ou se che dá pereza ir ata a biblioteca a por un exemplar para ler, súmate ao «bookcrossing». Este sistema de intercambio gratuíto de libros en diversos puntos das cidades está a ter moitos seguidores dende hai anos en diversos países, e Bóveda acaba de apuntarse a esta corrente lectora. Polo de agora, os libros están á man nuns stands situados no Concello, no Centro Sociocultural, e nos Centros de Saúde de Bóveda e Rubián, pero a idea é abrir novos puntos de intercambio, según se vaia normalizando este servizo. A novidade do bookcrossing en Bóveda «está xerando preguntas, máis que intercambio de libros», explican os responsables municipais de Cultura, aínda que «se está a utilizar, e a xente devolve os libros». •
