Monforte, presente no acto de concesión da nacionalidade española aos sefardíes

O alcalde de Monforte, José Tomé, asistiu á cerimonia en Madrid invitado pola Casa Real

O alcalde de Monforte, José Tomé Roca, conversa con Felipe VI nun momento da recepción oficial no Palacio Real, o pasado 30 de novembro. (Foto cedida: GPCM).
O alcalde de Monforte, José Tomé Roca, conversa con Felipe VI nun momento da recepción oficial no Palacio Real, o pasado 30 de novembro. (Foto cedida: GPCM).

• A cidade de Monforte estivo representada polo seu alcalde, José Tomé, no acto de concesión da nacionalidade española aos sefardíes que son orixinarios de España, celebrada no Palacio Real de Madrid o pasado 30 de novembro. O rexedor monfortino acudiu a esta cerimonia invitado pola Casa Real, xa que Monforte foi un dos lugares de Galicia onde se rexistrou unha maior presenza de poboación xudía.

TOMÉ: «A PARTICIPACIÓN DE MONFORTE NESTE ACTO FOI UNHA VERDADEIRA HONRA PARA A CIDADE»

José Tomé cualificou este evento como «unha reconciliación coa Historia». O rexedor local destacou que «é unha verdadeira honra que a cidade de Monforte poida formar parte deste recoñecemento de Estado ós descendentes dos xudeus que viviron na Península Ibérica». Tomé suliñou asimesmo o «activo» papel de Monforte como socio da Rede de Xuderías de España.

O pasado 1 de outubro entrou en vigor a Lei 12/2015 do 24 de xuño, pola que se regula a concesión da nacionalidade española ós sefardís que son descendentes de españois, aínda que non estean residindo neste país. A lei esixe que acrediten as súas raíces e o seu coñecemento da lingua e da cultura española. A norma restitúe os dereitos dos descendentes de quenes foron expulsados de España hai máis de cinco séculos polos Reis Católicos.•

 

Deixa unha resposta

Your email address will not be published.

Nova Anterior

O IX Tapicheo de Sarria premiou a calidade e a fidelidade

Seguinte Nova

Primeira sesión deste curso no Clube de Lectura do IES Xograr Afonso de Sarria

Últimas noticias sobre CULTURA

Maika Makovski

Unha das actuacións estelares do 17º Ribeira Sacra Festival Onte arrincou unha nova edición do 17º

A %d blogueros les gusta esto: