O día 7 de decembro, a Casa da Xuventude de Chantada foi o escenario da presentación do libro «Lingua de lata», asinado a catro mans por Francisco Oti Ríos e Julio Fernández. Ambos autores teñen atrás un amplo percorrido no mundo do teatro, como xestores, directores e autores de diversas pezas.
O libro «Lingua de lata» é unha peza teatral adicada ao público infantil, que recolle as aventuras dun neno e dun avión no medio dun vertedoiro de obxectos deteriorados, sobre todo electrodomésticos e aparellos de novas tecnoloxías. A mensaxe do libro trata de chegar aos máis novos, para conciencialos sobre os riscos do consumismo, e a necesidade de optar pola reciclaxe dos nosos obxectos cotiás.•
