• A neve estreouse en Lugo praticamente coa entrada do ano. Durante a xornada do 5 de xaneiro, víspera de Reis, desenvolvéronse as primeiras actuacións do plan invernal de estradas da Deputación, que ten como finalidade o mantemento dos viais provinciais en condicións aptas para a circulación fronte ás incidencias por neve e xeo.
LIMPEZA DE 88 ESTRADAS PROVINCIAIS NA PRIMEIRA XORNADA DE NEVE DESTE INVERNO
Según informaron dende o organismo provincial, os traballos desenvolvidos durante o día 5 contaron coa participación de 30 operarios e 15 máquinas, para despexar un total de 88 estradas de titularidade provincial, nun total de 14 concellos da montaña e limítrofes. A acumulación de neve e xeo oscilou entre os 5 e os 10 centímetros, sen que se rexistraran cortes viarios. O equipamento técnico contou con 6 quitaneves, 3 pick up, 3 tractores, e 3 vehículos de apoio con material mecánico.
No sur lucense, as incidencias rexistráronse en oito estradas provinciais do concello de Folgoso do Courel, outras nove no municipio de O Incio, catro en Quiroga e unha en Ribas de Sil. Na comarca de Sarria, houbo intervencións en nove estradas de Samos e en catro de Triacastela.
INCIDENCIAS POLO TEMPORAL DE CHUVIA DA PASADA SEMANA
Por outra banda, o temporal de chuvia rexistrado o día 7 de xaneiro deixou un importante corte viario por auga en Xermade, na que foi a primeira incidencia por climatoloxía do ano. Según informaron dende a Deputación, a este municipio desprazouse un operativo de 22 operarios, provistos dunha ducia de unidades móbiles con equipamento especial, para evitar inundacións nas vivendas situadas ao abeiro da LU-P-2202, ao seu paso polo núcleo de Roupar.•
Cargando ...
