•A campaña de vacinacións contra a gripe que puxo en marcha o Sergas no último trimestre de 2015 completouse cun total de 478.621 persoas vacinadas en toda Galicia, das que un 54,27% corresponden a maiores de 65 anos. Esta cifra supón un aumento de dous puntos porcentuais respecto á campaña anterior.
Por grupos de risco e provincias, Ourense encabezou as vacinacións en maiores de 65 anos, cun 59%, seguida por Lugo, cun 57%, A Coruña cun 53%, e Pontevedra cun 52%. En canto ao persoal sanitario, o de atención primaria rexistrou un 33% de vacinacións, e na atención especializada os vacinados foron o 19%.•
Cargando ...
