• Durante o pasado ano 2015, o Grupo de Menores da Policía Autonómica levou a cabo na provincia de Lugo un total de 1.259 inspeccións a establecementos, das que derivaron 160 denuncias por infraccións á Lei 11/2010 de prevención de bebidas alcohólicas en menores de idade.
Destas denuncias, 68 foron a establecementos e as outras 92 a menores. Con estas cifras, a nosa provincia sitúase no segundo posto en número de incidencias nesta materia, só por detrás da provincia de A Coruña, na que se realizaron 2.694 inspeccións que derivaron en 190 denuncias,das cales 94 foron a establecementos e 96 a menores.
Pola súa banda, as inspección na provincia de Ourense foron 672, con 64 denuncias, 15 a establecementos e 49 a menores. A provincia con menor número de incidencias foi Pontevedra, con 384 inspeccións, que desembocaron en 124 denuncias, 49 delas contra establecementos e as restantes 75 contra menores.