Oito parroquias contarán este mes cun novo pedáneo

•O alcalde de Monforte retoma a ronda de nomeamentos, logo de que voten os veciños nos respectivos locais sociais

•A parroquia monfortina de As Nocedas foi a primeira convocada este ano para elixir ao seu novo alcalde pedáneo. O alcalde de Monforte, José Tomé, recuperou a ronda de nomeamentos que comezara o último trimestre do pasado ano, e que estivo paralizado por mor das festividades do Nadal.

CALENDARIO DE XANEIRO POR PARROQUIAS

Logo da cita electoral de As Nocedas, celebrada o martes día 12, o proceso municipal continuou no Chao de Fabeiro, o día 13, e na Santa Mariña, o xoves 14. Según precisaron dende o Concello de Monforte, o calendario para a elección e nomeamento dos alcaldes pedáneos van seguir durante toda a vindeira semana. O luns 18 de xaneiro votarase en Reigada, e nos días sucesivos en A Vide, Seoane, Caneda e Vilamarín. Dende o Concello convocan a todos os veciños maiores de idade a votar no seu local social a partir das 20 horas. O voto é secreto, e serán elixibles os candidatos e candidatas que se presenten

Con este proceso, o alcalde, José Tomé, fai uso da potestade que lle permite a lei para nomear representantes da Alcaldía, que servirán para canalizar as demandas do medio rural, e para informar á veciñanza dos proxectos municipais en cada unha das parroquias. O 29 de outubro, o Concello puxo fin por decreto ao desempeño dos anteriores pedáneos.•

 

Deixa unha resposta

Your email address will not be published.

Nova Anterior

O Kolectivo Expresión Sauda amosou en Chantada o seu concepto creativo de cidadán do mundo

Seguinte Nova

Espertamonforte pedirá no vindeiro Pleno pasar as subvencións nominativas ao réxime de concorrencia competitiva

Últimas noticias sobre INICIATIVAS

A %d blogueros les gusta esto: