Desafío en Pontevedra para o Círculo Chantada diante do líder da liga

• O vindeiro sábado 30 de xaneiro, o Club Billar Círculo de Chantada afronta o reto de medirse diante do líder da liga, o Servitega Billaristas Errantes, en Pontevedra. Un equipo que domina o taboleiro con 10 puntos, a falta de dúas xornadas para completar a primeira volta da liga galega de billar a tres bandas. En segunda posición sitúase o Sporting Club Coruña, con seis puntos, logo de derrotar aos dous equipos do Chantada na última xornada. Os chantadinos continúan coas rotacións, e os coruñeses desembarcaron co número un da liga, José Manuel Manteiga, e tres dos seus mellores xogadores.

BOA CLASIFICACIÓN

As dúas formacións do Club Círculo de Chantada teñen a oportunidade o día 30 de sumar puntos e asegurarse a súa presenza na metada alta da táboa. Ao remate da quinta xornada, o Círculo Chantada B situábase en terceira posición con cinco puntos, e o equipo A no quinto lugar con 4 puntos.•

Deixa unha resposta

Your email address will not be published.

Nova Anterior

Sesións de iniciación ao rugby en centros educativos de Sarria

Seguinte Nova

Novo éxito da canteira da SD Sarriana

Últimas noticias sobre ASOCIACIONISMO

A %d blogueros les gusta esto: