O club baloncesto Chantada mantén o sétimo posto na clasificación logo da décima xornada de liga EBA no grupo A-B. Cunha distancia de 4 puntos respecto ao líder, o Agustinos Leclerc, que suma 19, o CB Chantada é o segundo equipo galego mellor clasificado neste grupo por detrás do Baloncesto Narón, que acumula 12 puntos. En canto a xogadores, o chantadino Carlos Noguerol continúa entre os 15 primeiros anotadores do grupo, con 131 puntos en 9 partidos, e cunha media de 14,56. Este mes foi especialmente exitoso para o base chantadino, ao ser elixido MVP do grupo A-B da liga EBA logo da novena xornada.•