A Xunta adxudica dúas novas parcelas no polígono industrial de Quiroga

Dúas das trece parcelas que a Xunta adxudicou este mes en superficies industriais de Lugo atópanse no polígono de Quiroga. Arquivo EC.
Dúas das trece parcelas que a Xunta adxudicou este mes en superficies industriais de Lugo atópanse no polígono de Quiroga. Arquivo EC.

• A Xunta de Galicia vén de adxudicar a mediados deste mes preto de 13.500 metros cadrados de solo industrial en superficies das provincias de Lugo e Ourense, con bonificacións do 50% sobre o seu prezo. Un total de 13 parcelas corresponden a polígonos lucenses, entre os que está o de Quiroga, e as outras dúas sitúanse na provincia de Ourense. O prezo total da adxudicación foi de 275.987,26 euros.

EN CINCO PARQUES INDUSTRIAIS DE LUGO E OURENSE

A superficie adxudicada no polígono de Quiroga é de 2.015 metros cadrados, distribuídos en dúas parcelas, cun prezo de adxudicación de 19.713,21 euros. O resto das adxudicacións en solo lucense corresponden aos parques industriais de Monterroso, con oito parcelas que suman 5.366 metros cadrados, e de Lourenzá, con 1.551,44 metros cadrados nunha única parcela.

En Ourense, adxudicouse unha parcela no parque industrial de Carballiño, con 3.173 metros cadrados, e no de Ribadavia outra parcela de 1.343,44 metros cadrados.

SISTEMA DE ADXUDICACIÓN

Según explicaron dende a Consellería de Infraestruturas e Vivenda, a adxudicación realízase directamente, xa que ditas parcelas quedaron vacantes no concurso de venda de solo bonificado convocado polo Instituto Galego da Vivenda e Solo en 2015, e dado que este organismo mantén as bonificacións na venda de solo nos parques da súa propiedade.

GRAN VOLUME DE ADXUDICACIÓNS DENDE 2015

Ata o momento, e grazas ás bonificacións no prezo do solo implantadas en 2015 para os parques empresariais do Instituto Galego da Vivenda e Solo e Xestur, a Xunta adxudicou máis de 514.000 metros cadrados de solo empresarial en 216 parcelas das catro provincias, o que supón unha superficie equivalente á venda no conxunto dos anos 2012, 2013 e 2014.•

 

Deixa unha resposta

Your email address will not be published.

Nova Anterior

O PP de Láncara denuncia problemas de iluminación pública en dúas rúas principais de A Pobra de San Xiao

Seguinte Nova

Os orzamentos do Suplusa incluirán unha residencia e centro de día para Folgoso

Últimas noticias sobre ECONOMÍA

A %d blogueros les gusta esto: