Chantada acolleu unha xornada de networking para o empresariado local

•Conde presentou aos empresarios chantadinos as axudas da Xunta para 2016, con 185 millóns de euros destinados ao fomento do emprego, o impulso do investimento empresarial, a innovación e internacionalización, e a eficiencia enerxética

O conselleiro de Economía, Emprego e Industria, Francisco Conde, acompañado polo alcalde de Chantada, Manuel Varela, e a delegada da Xunta en Lugo, Raquel Arias, durante a xornada de networking celebrada no Telecentro chantadino o 19 deste mes. CEEI.
O conselleiro de Economía, Emprego e Industria, Francisco Conde, acompañado polo alcalde de Chantada, Manuel Varela, e a delegada da Xunta en Lugo, Raquel Arias, durante a xornada de networking celebrada no Telecentro chantadino o 19 deste mes. CEEI.

• O pasado 19 de xaneiro, o conselleiro de Economía, Emprego e Industria, Francisco Conde, desprazouse a Chantada para participar nun networking co empresariado local. Conde, que estivo acompañado pola delegada da Xunta en Lugo, Raquel Arias, e o alcalde de Chantada, Manuel Varela, deu a coñecer aos emprendedores as principais axudas que xa ten activas a Consellería para 2016, e que supón o 70% dos apoios para este ano. Según precisou o titular de Economía, as achegas suman 185 millóns de euros destinados ao fomento do emprego, o impulso do investimento empresarial, a innovación e internacionalización, e a eficiencia enerxética.

REFORZO AO SECTOR AGROALIMENTARIO NO EMPRENDEMENTO RURAL

O conselleiro apostou polo «diálogo permanente» co tecido empresarial «para ser capaces de seguir a crear emprego e riqueza». Neste sentido, Conde avogou polo emprendemento no rural con axudas centradas na economía social para reforzar, entre outros, ao sector agroalimentario.

CONDE: «CHANTADA É EXEMPLO DE INICIATIVAS NO SECTOR DAS COOPERATIVAS»

Na súa intervención no networking de Chantada, o titular de Economía destacou a importancia de traballar cara á industrialización e transformación do sector lácteo. «A sostibilidade do sector pasa pola produción e transformación do leite», subliñou. Conde afirmou tamén que Chantada é «exemplo de iniciativas empresariais e referente no sector do cooperativismo», poñendo en valor o proxecto da cooperativa Icos, que contou co apoio de XesGalicia. «Esta iniciativa é un exemplo que seguiremos acompañando desde o Goberno galego», afirmou o titular de Economía.

DETALLE DAS AXUDAS AO EMPRENDEMENTO

Entras as diferentes axudas que xa ten en marcha a Consellería de Economía, Emprego e Industria destacan o fomento do emprego autónomo, no que a Xunta inviste este ano 20,5 millóns de euros.

As partidas deste departamento incorporan tamén axudas para impulsar a economía social, especialmente no rural, con liñas de capital risco de 5 millóns ou o programa de incentivos que suma 1 millón.

Ademais, hai que suliñar o impulso da Xunta para a creación de cooperativas entre os menores de 30 anos. Asimesmo, Conde expuxo as axudas do Goberno galego cos concellos para apoiar a mellora da empregabilidade dos traballadores, a través de accións como os obradoiros de emprego, aos que a Consellería destina este ano 14 millóns de euros.

O titular de Economía e Emprego puxo en valor o esforzo que está a facer a Xunta «para acompañar ao autónomo e o emprendedor, especialmente no rural». •

 

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

O PP descarta «polo de agora» un congreso local en Sarria

Seguinte Nova

Premio ao Outono Gastronómico como mellor programa nacional de turismo activo en enogastronomía

Últimas noticias sobre ASOCIACIONISMO

Chantada contra o cancro

A solidariedade e a conciencia social uníronse en Chantada nunha loita colectiva contra o cancro. No pasado mes de decembro, a directiva
Ir aInicio

Don't Miss