Os orzamentos do Suplusa incluirán unha residencia e centro de día para Folgoso

• A voceira do grupo provincial do Partido Popular, Elena Candia, explicou que os orzamentos do Suplusa para este ano incluirán unha partida para construír a residencia e centro de día de Folgoso do Courel. Según Candia, foi o PP quen, a través das súas enmendas, propiciou esta medida. Según explicaron dende o grupo popular na Deputación, a residencia e centro de día de Folgoso emprazarase no antigo colexio da localidade, e contará con 24 prazas para maiores e un amplo espazo de aparcamento. O investimento para este proxecto será de máis de 1,3 millóns de euros. A alcaldesa de Folgoso, Lola Castro, afirmou que este proxecto é «un soño feito realidade», polo servizo que dará e os postos de traballo que se van crear na localidade.•