Os socialistas reclaman no Parlamento que a Xunta “cumpla os seus compromisos” coa muralla de Monforte

O grupo parlamentario socialista demanda a rehabilitación e posta en valor da muralla medieval de Monforte a través dun plan integral. Arquivo EC.
O grupo parlamentario socialista demanda a rehabilitación e posta en valor da muralla medieval de Monforte a través dun plan integral. Arquivo EC.

• A comezos de febreiro, o grupo socialista no Parlamento de Galicia esixiu á Xunta «que cumpla os seus compromisos electorais», e poña en marcha un proxecto integral para rehabilitar e poñer en valor a muralla medieval de Monforte.

REXEITAMENTO DO PP

Según explicou o deputado socialista Vicente Docasar, esta iniciativa sería «de interese tanto dende o punto de vista cultural como turístico». O deputado monfortino fixo estas declaracións na presentación dunha proposición non de lei sobre esta cuestión. «O Partido Popular comprometeuse publicamente durante a campaña das últimas eleccións municipais a promover a rehabilitación integral da muralla de Monforte en presenza do propio presidente da Xunta», precisou Docasar. «Os socialistas queremos pensar que este compromiso adquirido era firme e segue por tanto aínda en pé», polo que Docasar lamentou que o Partido Popular rexeitara esta iniciativa.

O deputado socialista lembrou a necesidade de ter «vontade política e sensibilidade» para recuperar «un importante patrimonio cultural». Docasar entende que este proxecto podería servir «para atraer turismo a estas terras de Galicia tan necesitadas de incentivos».

PROXECTO POR FASES

A iniciativa presentada polos socialistas demandaba abordar por fases este proxecto «ambicioso, difícil e polo que vale a pena loitar», aproveitando o estudo de Ernesto Iglesias e do «minucioso plan de actuacións elaborado polo arquitecto José María Alonso Montero en 2008 por encargo da Dirección Xeral de Patrimonio da Xunta».

«RECUPERAR O PRESTIXIO DA POLÍTICA»

Vicente Docasar criticou a falta de compromiso do Executivo galego. «Temos que recuperar o prestixio da política a través do respecto aos compromisos que se adquiren en campaña electoral», afirmou Docasar.•

 

Deixa unha resposta

Your email address will not be published.

Nova Anterior

Exposición de Kukas no Círculo Saviñao dende febreiro

Seguinte Nova

O Consorcio de Bombeiros aproba un orzamento de 4,8 millóns de euros

Últimas noticias sobre ASOCIACIONISMO

A %d blogueros les gusta esto: