A conselleira de Medio Rural interesouse pola industria apícola en Bóveda

•Vázquez visitou as instalacións da empresa Pazo de Lusío no polígono industrial de Bóveda, adicada á produción e envasado de mel e pole

A conselleira de Medio Rural, Ángeles Vázquez, conversa co xerente da empresa Pazo de Lusío, David Corral, en presenza de diversas autoridades. GPCMM
A conselleira de Medio Rural, Ángeles Vázquez, conversa co xerente da empresa Pazo de Lusío, David Corral, en presenza de diversas autoridades. GPCMM

• O 5 de febreiro, a conselleira de Medio Rural, Ángeles Vázquez, visitou as instalacións da empresa apícola Pazo de Lusío, situada no polígono industrial de Bóveda. Durante a visita a esta firma adicada á extración e comercialización de mel, pole e propóleos, Vázquez referiuse ás liñas de axudas que o seu departamento destinou a este sector.

APOSTA POLA MELLORA DA CALIDADE

Por unha banda, a conselleira lembrou o incremento dun 11% das axudas para mellorar a produción e comercialización de produtos apícolas o ano pasado, cun orzamento de 445.896 euros, que se destinaron, entre outros, á loita contra a vespa velutina ou á asistencia técnica a apicultores. Por outro lado, Vázquez apuntou ás axudas que Medio Rural aporta ao Consello Regulador da Indicación Xeográfica Protexida (IXP) Mel de Galicia, selo que ampara a produción da empresa situada en Bóveda. A conselleira suliñou que o seu departamento destinou en 2015 un total de 2,6 millóns de euros ao apoio ás actividades de información e promoción dos produtos agroalimentarios galegos con calidades diferenciada, e 300.000 euros en axudas para programas de calidade dos consellos reguladores.

Pazo de Lusío, afincada en Bóveda, forma parte da expansión da empresa Meles Anta, e adícase dende 2005 a produtos de colmea dentro da agricultura ecolóxica, con colmeares amparados pola IXP Mel de Galicia situados en Ancares, Courel, Samos e A Pobra do Brollón.•

Deixa unha resposta

Your email address will not be published.

Nova Anterior

Quiroga impulsa unha nova imaxe para a Feira do Viño

Seguinte Nova

Olladas sobre a Feira Outrora de Bóveda, nunha exposición dos carteis concursantes

Últimas noticias sobre ECONOMÍA

A %d blogueros les gusta esto: