A comezos deste mes, a directora xeral de Gandaría, Agricultura e Industrias Agroalimentarias, Belén do Campo, afirmou na Comisión sétima do Parlamento galego que os contratos homologados son beneficiosos para todas as partes, posto que «ofrecen garantías a todos os operadores do sector, permitíndolles afrontar decisións de futuro con maior seguridade». Docampo lembrou que a Xunta non pode impoñer estes contratos-tipo ás Denominacións, aínda que se teñen empregos todas as ferramentas legais para incentivalos.
PREZOS DE UVA MÁIS ALTOS EN GALICIA QUE NO RESTO DE ESPAÑA
A directora xeral de Gandaría, Agricultura e Industrias Alimentarias lembrou que en Galicia os prezos pagados por uva de vinificación son «sensiblemente máis altos» que en calquera outra Comunidade autónoma. O prezo medio é de 0,92 €/kg, sendo este máis elevado incluso ca en comunidades con gran peso vitivinícola, como é o caso da Rioxa. Aínda así, Docampo insistiu en que é preciso remunerar o traballo dos agricultores, xa que os custos de produción en Galicia son máis elevados debido á estrutura da propiedade e, sobre todo, a que as condicións climáticas esixen maior número de tratamentos.•
