• A Casa da Xuventude de Chantada continúa coa súa programación habitual, ademais de incorporar novas iniciativas. A comezos deste mes, acolleu unha sesión preparatoria do Parlamento Xove, unha iniciativa para fomentar a capacidade oratoria e argumentativa da mocidade, ao tempo que se lles inculca a cultura do diálogo. Nesta competición van participar no vindeiro trimestre un total de 48 equipos procedentes de centros educativos de toda Galicia, e as probas celebraranse en Santiago.
O tema que se preparou en Chantada foi o que a organización propuxo para a fase de clasificación: «Determina o papel do profesor/a o futuro dos mozos e mozas?» A dificultade desta competición reside en que o sorteo do posicionamento dialéctico, é dicir, se o equipo ten que argumentar en favor ou en contra, realízase tan só cinco minutos antes do debate. Deste xeito, resulta fundamental preparar previamente aos participantes con técnicas que lles axuden a resolver a situación.•
Cargando ...
